Sosoro Museum

ចូលទៅកាន់

> បណ្ណាល័យ / ហាងលក់វត្ថុអនុស្សាវរីយ៍ / សួនច្បារ / ហាងកាហ្វេ / ច្រកចូល

• បណ្ណាល័យ

  បណ្ណាល័យរបស់សារមន្ទីរ ស.ស.រ ​បើកជូនសាធារណជនចូលសិក្សាស្រាវជ្រាវ​ដោយឥតគិតថ្លៃ។ ​អ្នកទស្សនាអាចស្វែងរកសៀវភៅឯកទេស ​និងសៀវភៅដែលកម្រជាច្រើន ​ពាក់ព័ន្ធទៅនឹងអតីតកាល ​និងបច្ចុប្បន្នរបស់ប្រទេសកម្ពុជា។ ​កម្រងសំណួរកម្រិតខ្ពស់ ​និងល្បែងល្បងប្រាជ្ញាជាច្រើន​មាននៅលើកុំព្យូទ័ររបស់បណ្ណាល័យ ​ដែលមានភ្ជាប់ជាមួយនឹងប្រព័ន្ធអ៊ីនធឺណែត។

• ហាងលក់វត្ថុអនុស្សាវរីយ៍

  នៅក្នុងហាងលក់វត្ថុអនុស្សាវរីយ៍ ​អ្នកទស្សនាអាចស្វែងរកនូវវត្ថុអនុស្សាវរីយ៍ជាច្រើន ​ជាមួយនឹងការរចនាដ៏ពិសេស ​មានដូចជា កាសអនុស្សាវរីយ៍ សម្ភារៈធ្វើដោយដៃ ​គ្រឿងអលង្ការខ្មែរ សន្លិកប័ណ្ណតូចៗ ​រូបគំនូរ និងវត្ថុអនុស្សាវរីយ៍ជាច្រើនទៀត។ ​មិនត្រឹមតែប៉ុណ្ណោះ សៀវភៅ​ដែលបោះពុម្ពជាភាសាខ្មែរ​ អង់គ្លេស និង បារាំង ក៏មានលក់នៅទីនេះផងដែរ។

• សួនច្បារ

  សួនច្បារដ៏ស្រស់ស្អាតរបស់សារមន្ទីរ ស.ស.រ ស្ថិតនៅកណ្តាលរាជធានីភ្នំពេញ ​ដែលអ្នកទស្សនាអាចស្រូបយកខ្យល់អាកាស ​និងសម្រាកនៅក្រោមម្លប់ដើមជ្រៃក្រឹម ​មានអាយុកាលជាង១០០ឆ្នាំ។ ​សាធារណជនអាច​ទស្សនាម៉ាស៊ីនសង្កត់ពុម្ពកាសដំបូងគេបង្អស់ ​ដែលបានប្រើប្រាស់សម្រាប់ផលិតកាសក្នុងឆ្នាំ១៨៥៣ ​ក្នុងរជ្ជកាលព្រះបាទ អង្គឌួង ​ដែលបានដាក់តាំងនៅក្នុងសួនច្បារ។ ​លោកអ្នកអាចចូលមកក្នុងសួនច្បារតាមផ្លូវលេខ១០២ ឬផ្លូវ១០៦ ដោយមិនចាំបាច់ទស្សនាសារមន្ទីរ។

• ហាងកាហ្វេ

  លោកអ្នកអាចសម្រាក និងរីករាយ​ជាមួយទេសភាពសួនច្បារ ​អាគារសម័យអាណាព្យាបាល ​ពីទីធ្លាខាងមុខហាងកាហ្វេខ្លាំង ​ដែលមានបរិយាកាសស្ងប់ស្ងាត់ ​ឬនៅក្នុងហាងកាហ្វេដែលមាន​ផាសុកភាព និងស្រស់ស្រាយ។ ​មានលក់ ​កាហ្វេ ភេសជ្ជៈក្រឡុក ទឹកផ្លែឈើ ​ម្ហូបបែបអាស៊ី និងអ៊ឺរ៉ុប ​ជារៀងរាល់ថ្ងៃ ​ចាប់ពីម៉ោង៧ព្រឹក ដល់ម៉ោង៥ល្ងាច។

• ច្រកចូល

  ជនពិការ និងមនុស្សចាស់ អាចទស្សនាសារមន្ទីរដោយប្រើប្រាស់ផ្លូវជម្រាលទាំងខាងមុខ និងខាងក្រោយ ជណ្តើរយន្ដ និងបន្ទប់ទឺកពិសេស។

សំណួរដែលសួរជារឿយៗ

សំណួរទូទៅអំពីសារមន្ទីរ ស.ស.រ